تغيب أيام وماتبقى في بالي غيرها ذكرى

تعال وداوي جروحي .. خفوقي شايل" همه

يعاندني في حبي لك .. ليلي صاحي أسهره

حبيبي اليوم ميلادك .. تعال وخافقي ضمه

يماري يرقص بفرحه .. وفرحي يالله ياكبره

حبيبي اليوم ذا عيدك .. اشوف الناس ملتمة

حوالينك وياقهري .. ياويلي نفسي منغرة

بميلادك انا اغني روحي عايشة فــ قمة

سعادة بروحي تغمرني ياطيب عمري وياعطره

ومن سعدي انا بعيده .. دموعي بللت كمه

غفيت انا وسط حضنه .. تملكني دفا صدره

عيوني تحتضن عينه .. على شفاهه بوسة مرتسمة

مزج شهدي بشفتينه .. غرقت انا بحلا ثغره

لمني يا غلا عمري في ليل" حالك وظلمة

وسمعني كلام الحب نسيني حلوه ومره

حبيبي بيوم ميلادك شللي بخاطرك سمه

آمر انت وتدلل خفوقي فدوتك عمره

حياتي رهنها يمينك .. قلبي حققت حلمه

بشوفي لك انا هايم تايه في ثنايا سحره

حلاه ياناس ذابحني .. جرح قلبي نزف دمه

يا ويلي آآه ياويلي .. جروحي منه ماتبرى

حبيبي شوفها الدنيا تمطر حروفها اسمه

كن الكون ذا كله يبارك لك نجمه وبدره

أهنيك بعيد ميلادك .. عساك بخير ونعمة

حياتي يابعد روحي يا ورد عمري ويا زهره

حبيبي اليوم ذا عيدك كيف مااكون مهتمة